النهارده كان اول يوم انزل القاهرة و الجيزة من فتره مش طويله قوي … شوفت حاجات كتير اوي النهارده يمكن كنت اتعودت اني اشوفها
شوفت … سواق ميكروباص راكن مخصوص عشان يصلي العصر
شوفت … سواق الميكروباص ده مكانش معاه فكه 100 و قال للراجل مش مهم
شوفت … نفس السواق مشتمش خالص طول الطريق
شوفت … اطفال شوارع بيتراهنوا قدام ماكدونالز ان اكيد الوجبة اللى نفسهم فيها مش هاتعدي ال 50 جنيه
شوفت … ست كبيرة فى السن ضئيلة الحجم ماسكة كيس نايلون اصفر وموطية ضهرها بتلم الحاجات اللى ينفع تتاكل من كوم الزبالة اللى ع الرصيف اللى فى نص الشارع
شوفت … ناس هادية مستملة زحمة الهرم ولجان الهرم و هادية
شوفت … سواق ميكروباص تاني سمع كلام راكب ان يخرم من طريق عشان الزحمة من غير ما يمشي اللى فى دماغه و خلاص
و لسه ياما فى حاجات تتشاف … و اللي يعيش ياما يشوف
No comments:
Post a Comment