غني الحرية دي اجمل غنوة فى الوجود
شمس الحرية اتخلقت ولا يمكن تموت
فارس عقليته مقاومة و حياته صمود
غنى و عدى المستحيل كل اماله الحريه
وسط الضلمه كان دليل صحى الشمس المصريه
ولع فلام يمحي الظلام .. ينشر حرية .. يسقط النظام
الكورة حياتي لكن لبلادي اموت
و افديها بعمري راح زمن السكوت
دي الثورة اتولدت فكره ولا يمكن تموت
فارس عايش للنضال كل سلاحه العقلية
ثابت حافر فى الجبال … خطي لارض الحرية
ثورة و نضال و اسلوب حياة جزء فى عقليتي ما فهمهوش الطغاة
قال شرطة فى خدمة شعب و كنا احنا العبيد
قتلونا و كتموا فى صوتنا بالنار و الحديد
جهله و القمع حياتهم و خيالهم مريض
اقتل و اسجن ايه الجديد؟ ابني سجونك عليها
مهد الثوره فى العقول .. انسى بظلمك تمحيها
تضرب فى غاز تضرب رصاص … جيلنا من الموت مبقاش بيخاف خلاص
و ف كل مكان ف بلادي سامع صوت شهيد
باع حياته بيتكب غنوه للفجر الجديد
حرية و جوا بلادنا مش هانعيش عبيد
بين الثوره و الكفاح دم شهيد الحرية
يكتب لبلاده النجاح
يحرق سور القمعية
ينهي الفساد مهما يطول الزمان … نكتب بادينا تاريخ اغلى الاوطان
No comments:
Post a Comment