صمت حبك
بيني وبينك خطوة واحده...لكن صعب
صعب اخطي لوحدي وانتي واقفه ساكته
وفي عينيكي نظرة شاردة...تايهة ثابته
انا صامت وانتي صامته...مغرمين بالصمت ليه؟؟
طب سكوتنا ليه وامتى.... واحد فينا يبتدي
هبتدي... من زمان وانا نفسي ابدأ صدقيني
بس خايف... كنت خايف تحرجيني
دلوقتي جاهز للمحاولة .... بس أبلا و عالاقل نظرة حلوة
نظرة واحده مشجعة.... شجعيني
خرجيني من سكوتي... ربما كلمة بحبك لما تخرج من تابوتي
فوق نعش صوتي
جايز ده يحرك سكوتك ... تنطقيها
كلمة واحده نفسي فيها ... هتقوليها؟
ماتقوليها وخلصيني... انطقيها وريحيني
لسه بردو زي مانتي ... وانا وانتي والسكوت
خايف جدا مالمحاولة ... وانتي بردو خايفة موت
صدقيني
حبنا الصامت دهوا ... اسمى حب في الوجود
صــلاح عبد الله
No comments:
Post a Comment