شيكا بيكا وبولتيكا . .
ومقالب أنتيكا . .
ولا تزعل ولا تحزن . .
اضحك برضه ياويكا . .
هاهاها . . ع الشيكا بيكا . .
أنا باضحك من قلبى يا جماعة . .
مع انى راح منى ولاعة . .
وبطاقتى فى جاكتة سرقوها . .
وغتاتة كمان لهفوا الشماعة . .
بقيت أرجف من السقعه . .
لكن باضحك . .
والضحك ده مزيكا . .
كهربا على ميكانيكا . .
اضحك ع الشيكا بيكا . .
هاهاها . .
ع الشيكا بيكا . .
أنا راح منى كمان حاجة كبيرة . .
أكبر من انى اجيب لها سيرة . .
قلبى بيزغزع روحه بروحه . .
علشان يمسح منه التكشيرة . .
ادعوا له ينسى بقى . . ويضحك . .
والضحك ده مزيكا . .
كهربا على ميكانيكا . .
اضحك ع الشيكا بيكا . .
هاهاها . .
ع الشيكا بيكا . .
ها تقولى الشيكا بيكا
ايه هىّ . .
هيا الحركات اللي مش هيا
الفرقة . . والحرقة . . والغرقة . .
والزومبة فى البمبة الذرية . .
بدل ما نطق . . يا ولا .. لأ نضحك . .
ده الضحك ده مزيكا . .
كهربا على ميكانيكا . .
اضحك ع الشيكا بيكا . .
هاهاها . .
ع الشيكا بيكا . .
ولا تزعل ولا تحزن . .
اضحك برضه ياويكا . .
هاهاها . . ع الشيكا بيكا . . ع الشيكا بيكا
No comments:
Post a Comment