خد و ادي معايا
بتــقوله :
خد وادى معايا
وقولى كلام غير اى كلام
ولا الدنيا خلاص
والناس بطلوا حب واحلام
طب أقولك
أحكيلى حدوتة لحد ما أنام
والعبلى فى شعرى
بقاله سنين مشدود ع البكر
فى بطاقتى الشخصية مثبوت أن أنا أنثى وأنك دكر
الميه الرايقه ساكته سنين وملاها العكر
كام صيف وشتا وخريف ومطر
فتش جوايا تلقى حاجات وحاجات وحاجات
ضحك الفوانيس
وعروسة وعريس
ودلع ومياصة ولئــم بنات
شايفاك فى عيونك نار وغضب
سامحنى ان كنت صريحة معاك
الفجر وجب
سامعاك بتقول
ودى مين رباها بنت الكلب
قليلة الأدب
عــلي ســـلامه
No comments:
Post a Comment