اسأليني يا حبيبتى عن اللى داير فى البلاد
اللى فيها صادروا حلمى وباعوا صوتي فى المزاد
أسالينى عن ولاد شوفتهم بعنيا دول .. جربوا كل الحلول وبيفشلوا بالاجتهاد
احكي ليكي الف قصة م الحكاوي التعبانين
اللى عايش نص ميت ... واللي ميت من سنين
اللى نص كلامه كحه .. واللى شاف خمارة راحها .. واللى اكل العيش دبحها دايرة دور على السكرانين
اللى نامية وفيها ثروة من الفلوس تعمل جبال
اسأليني ع كباري نايمة تحتيها العيال
اسأليني ع الغلابة .. واساليني ع التقال
اسأليني ع الديابة .. و اسأليني ع الفساد
اسأليني اشمعنى صابر ع المأسي الملهية
أقولك انى كنت واحد م الغلابة الاغبية
اللى صبروا فى انتظار المعجزات والانبيا
واللى فاق من وهمه فجأه لقى كفر قوم عاد
لسه برضه قلبه طاير .. كعب داير فى البلاد
No comments:
Post a Comment